Ատրպէյճանը պատերազմէն յետոյ իր վերահսկողութեան տակ անցած տարածքներուն մէջ հայկական պատմամշակութային հետքը վերացնելու նպատակով կ’օգտագործէ երկրին մէջ ապրող փոքրամասնութիւնը` ուղղափառ քրիստոնեայ ուտիները, վստահ է Արցախի մշակոյթի փոխնախարարը:
Լեռնիկ Յովհաննիսեանը այս պնդումը կ’ընէ օրերս Հատրութի եւ Տող գիւղի եկեղեցիներ ուտիական համայնքի ներկայացուցիչներու այցելութենէն յետոյ. «Ազգային խտրականութեան ձեւերից մէկն է եւ բռնաիւրացման ձեւերից մէկն է: Նոյնը, ինչ որ արել են ասենք Քարին Տակի Սուրբ Աստուածածին եկեղեցում Շուշիի շրջանում, երբ որ մահմետական աղօթք էին կատարում հայկական եկեղեցում»:
Ուտիները իրենց համայնքի ղեկավարին հետ օրերս այցելած էին Հատրութի 17-րդ դարի Սուրբ Յարութիւն եւ Տող գիւղի 13-րդ դարի Ս. Յովհաննէս Մկրտիչ հայկական եկեղեցիներ եւ ծիսական արարողութիւններ կատարած էին: Ատրպէյճանական ալիքներու տեսահոլովակներուն մէջ համայնքի ղեկավարը կ’ըսէր, որ այդ եկեղեցիները ուտիական են: Ցոյց տալով հայերէն արձանագրութիւնները` նաեւ պնդած էր, որ հայերը նախորդ 30 տարիներու ընթացքին իբր թէ փորձած են հայկականացնել զանոնք:
ՏԵսահոլովակներուն մէջ կը խօուի հայկական եկեղեցիները ալպանա-ուտիական եկեղեցիներու նմանութեամբ վերականգնելու, նման «ուխտագնացութիւնները» պարբերական դարձնելու մասին:
«Երեւում է, թէ ինչպէս են պղծում տապանաքարերը, մաքրում վիմագիր արձանագրութիւնները: Այսինքն` յստակ պետական քաղաքականութիւն են վարում հայկական եկեղեցիները աւերելու, ոչնչացնելու, պղծելու, բռնաիւրացնելու ուղղութեամբ», ըսաւ Յովհաննիսեանը: