Ապրիլ 27-ին ՀՀ պաշտպանութեան նախարար Սուրէն Պապիկեան աշխատանքային այցով եղած է Զինուած Ուժերու ուսումնական զօրամասերէն մէկուն մէջ:
Սուրէն Պապիկեանը շրջած է զօրամասի տարածքին եւ ուսումնական մասնաշէնքին մէջ, զրուցած է ժամկէտային զինուորներու հետ, հետեւած է ուսումնական դասընթացքներու ընթացքին: Զօրամասի հրամանատար, գնդապետ Դաւիթ Ալեքսանեանը պաշտպանական գերատեսչութեան ղեկավարին ներկայացուցած է զօրամասին կառուցուածքն ու գործառոյթները:
Պաշտպանութեան նախարարը զօրամասին մէջ յարգանքի տուրք մատուցած եւ ծաղիկներ խոնարհած է Հայաստանի ազգային հերոս Վահագն Ասատրեանի եւ 44-օրեայ պատերազմի ընթացքին զոհուած ու անյայտ կորսուած զինուորներուն յիշատակը յաւերժացնող խաչքարերուն մօտ:
Նոյն օրը, ՀՀ պաշտպանութեան նախարար Սուրէն Պապիկեանը եղած է նաեւ «Բաղրամեան» զօրավարժարանին մէջ, հետեւած է հայրենական ռազմարդիւնաբերական ձեռնարկութիւններէն մէկուն նախագծած հարուածային անօդաչուներու փորձարկումներուն:
