Home ԳԼԽԱՒՈՐ ԼՈՒՐԵՐ ԱՄՆ Երեւանին Եւ Պաքուին Կոչ Կ’ընէ Աշխուժացնելու Դիւանագիտական Ջանքերը. Փրայս

ԱՄՆ Երեւանին Եւ Պաքուին Կոչ Կ’ընէ Աշխուժացնելու Դիւանագիտական Ջանքերը. Փրայս

by MassisPost

ԱՄՆ կը շարունակէ հաւատարիմ ըլլալ Հարաւային Կովկասի տարածաշրջանին համար խաղաղ, ժողովրդավարական եւ բարգաւաճ ապագայի յառաջխաղացման: Այդ մասին հերթական ճեպազրոյցի ժամանակ յայտնած է Միացեալ Նահանգներու Պետական Քարտուղարութեան խօսնակ Նետ Փրայսը:

«Մենք Հայաստանին եւ Ատրպէյճանին կոչ կ’ընենք շարունակելու աշխուժացնել իրենց դիւանագիտական փոխգործակցութիւնը եւ օգտագործելու ուղղակի փոխգործակցութեան գոյութիւն ունեցող մեխանիզմները` Լեռնային Ղարաբաղի հակամարտութեան հետ կապուած կամ անկէ բխող բոլոր չլուծուած հարցերու համապարփակ լուծումներ գտնելու եւ խաղաղութեան համապարփակ համաձայնագրի կնքման միջոցով յարաբերութիւնները կարգաւորելու համար», նշած է դիւանագէտը:

Անդրադառնալով այդ գործընթացներուն մէջ Ուաշինկթընի դերին` Փրայս ընդգծած է. «Մենք, ինչպէս նախապէս, պատրաստ ենք օգնելու Հայաստանին ու Ատրպէյճանին այդ ջանքերուն մէջ, այդ շարքին` որպէս ԵԱՀԿ Մինսքի Խմբակի համանախագահ: Ուստի երբ մենք կը խօսինք գոյութիւն ունեցող մեխանիզմներու մասին, ԵԱՀԿ Մինսքի Խմբակը, ի հարկէ,  անոր մէկ մասն է»:

Հարակից Նյութեր

Leave a Comment