«Պաքւում պահուող հայ գերիների վերադարձի հարցում ունենք դրական կանխատեսում, քանի որ բարձր մակարդակի բոլոր հանդիպումներից առաջ կամ յետոյ գերիների վերադարձ է եղել», ըսած է Սթրասպուրկի դատարանին մէջ հայ գերիներու շահերու ներկայացուցիչ Սիրանուշ Սահակեանը:
«Այս քայլով կողմերը` Հայաստանը եւ Ատրպէյճանը բարձրացրել են միջազգային կառոյցի հեղինակութիւնը, դեր տալով մարդասիրական խնդիրների լուծման գործում», ընդգծեց Սահակեանը:
«Մենք չենք ունեցել իրաւական արարք, որը պահանջէր Ատրպէյճանին ազատ արձակել ռազմագերիներին», նշեց Սիրանուշ Սահակեանը:
«Ատրպէյճանի վարքագիծը չունի իրաւական տրամաբանութիւն կամ ողջամտութիւն, եւ սա եւս ցուցանիշ է, որ որոշումները կայացւում են քաղաքական նպատակայարմարութեամբ», ըսաւ ՄԻԵԴ-ի մէջ հայ գերիներու շահերուն ներկայացուցիչը:
Հայկական կողմը Պաքուի հաստատած 38 գերիներէն բացի փաստեր ունի եւս 80 գերեվարուած անձերու մասին: Եւրոպական դատարանը անոնց գերեվարման կանխավարկածը ապացուցուած համարած է, սակայն Ատրպէյճանը չի հաստատեր:
«Կան ապացոյցներ, որ նրանք զէնքը վայր դրուած, ողջ գտնուել են Ատրպէյճանի զինուած ուժերի հսկողութեան տակ», նշեց փաստաբանը:
44-օրեայ պատերազմի ընթացքին ու անկէ յետոյ գերեվարուած հարիւրաւոր հարազատները շուրջ մէկուկէս տարի ծանր սպասման մէջ են: Ատրպէյճանի մէջ երկարատեւ ազատազրկման դատապարտուած հայ զինուորներու ազգականներուն հետ հանդիպած է Հայաստանի մէջ Միացեալ Նահանգներու դեսպանը: «Մենք կոչ կ’ընենք ազատ արձակելու բոլոր բանտարկեալները», կը յայտարարէ ԱՄՆ դեսպանատունը:
Ըստ Սիրանուշ Սահակեանի, Պաքուն հայ գերիները կը պահէ քաղաքական գործընթացներու սպասարկելու համար: Չի բացառեր, որ օրինակ` հայ-թրքական յարաբերութիւններու կարգաւորման զուգահեռ` հայրենադարձուին բոլորը:
