Ատրպէյճանի Գլխաւոր Դատախազութիւնը այսօր քրէական գործ յարուցած է Ռուսաստանի Պետտումայի պատգամաւոր Միխայիլ Տելեակինի դէմ` երկրի նաւթային ենթակառոյցները ռմբակոծելու մասին օրերս հնչեցուցած կոչերուն համար:
«Ինթերֆաքս Ազերպայճան» գործակալութեան փոխանցմամբ, Տելեակինը կը մեղադրուի Ատրպէյճանի քրէական օրէնսգիրքի երեք` յարձակողական պատերազմի կոչեր հնչեցնելու, ահաբեկչութեան, սպառազինութեան կիրառման սպառնալիքի եւ ազգային ատելութիւն սերմանելու յօդուածներով:
Ատրպէյճանական դատախազութիւնը կը հաղորդէ, որ Պաքուի դատարանը Տելեակինին հեռակայ կարգով կալանաւորելու եւ Ինթերփոլի հարցով անոր նկատմամբ հետախուզում յայտարարելու որոշում կայացուցած է:
Պետտումայի պատգամաւոր Տելեակինը Ատրպէյճանի նաւթային կառոյցները միջուկային հարուածի միջոցով ոչնչացնելու կոչեր հնչեցուցած էր Մարտ 28-ին` Ռուսաստանի պետական հեռուստատեսութեան եթերով: Բացի այդ, Տելեակինը համանման հարցում կատարած էր թելեկրամեան իր ալիքով:
