«Ուաշինկթըն ուշադրութեամբ կը հետեւի 2020 թուականի Նոյեմբերէն յետոյ շփման գիծին վրայ հաստատուած իրավիճակին: Միացեալ Նահանգները խորապէս մտահոգուած է Ատրպէյճանի զօրքերու տեղաշարժերով: Զօրաշարժերը եւ սրումի տանող այլ միջոցառումները անպատասխանատու են եւ անհարկի սադրիչ», – յայտարարած է ԱՄՆ Պետական Քարտուղարութիւնը:
Ուրբաթ օր կայացած ասուլիսի ժամանակ ամերիկեան արտաքին քաղաքական գերատեսչութեան խօսնակի գլխաւոր տեղակալ Ջալինա Փորթըր լրագրողի հարցին ի պատասխան անդրադարձած էր Հայաստանի եւ Ատրպէյճանի արտաքին գործոց նախարարներու հետ պետական փոխ քարտուղար Քերըն Տոնֆրիտի Մարտ 24-ի հեռախօսազրոյցներուն: Տոնֆրիտ, ըստ Փորթըրի, «Միայն վերահաստատած է Մարտ 21-ին եւ 22-ին վարչապետ Նիկոլ Փաշինեանին, ինչպէս նաեւ նախագահ Իլհամ Ալիեւին պետական քարտուղար Էնթոնի Պլինքընի ըսածը, որ կոչ կ՛ըներ երկու կողմերուն զսպուածութիւն ցուցաբերել եւ կրկնապատկել դիւանագիտական ներգրաւուածութիւնը` գտնելու բոլոր մնացեալ խնդիրներու համապարփակ լուծումները: «Հայաստանին եւ Ատրպէյճանին միայն պէտք օգտագործել ուղղակի հաղորդակցութեան խողովակները անմիջապէս սրումի նուազեցման հասնելու համար», – աւելցուցած է Փորթըր:
