Պաքուն Երեւանին խորհուրդ կու տայ «անհիմն» յայտարարութիւններ չընել եւ «չմիջամտել Ատրպէյճանի ներքին գործերուն»:
Ատրպէյճանի դիւանագիտական գերատեսչութիւնը պատասխանած է Հայաստանի Արտաքին Գործերու Նախարարութեան յայտարարութեան` Արցախի մէջ կազամատակարարման հերթական խափանման վերաբերեալ:
Պաքուն կը պնդէ, որ Հայաստանը կը միջամտէ Ատրպէյճանի ներքին գործերուն:
«Հայաստանի Արտաքին Գործերու Նախարարութիւնը կը փորձէ միջամտել Ատրպէյճանի ներքին գործերուն` օրեր առաջ Ատրպէյճանի մէջ տեղի ունեցած միջոցառման միջազգային կազմակերպութիւններու մասնակցութեան, իսկ հիմա` այլ թեմայով», յայտնած է Ատրպէյճանի Արտաքին Գործերու Նախարարութեան խօսնակ Լէյլա Ապտուլաեւան:
«Մենք Հայաստանին խորհուրդ կու տանք ապահովել եռակողմ յայտարարութիւններով ստանձնած պարտաւորութիւններուն կատարումը, այդ շարքին` տարածաշրջանէն զինուած ուժերու մնացորդներուն դուրսբերումը, եւ անով իսկ նպաստել տարածաշրջանային խաղաղութեան ու անվտանգութեան, անհիմն եւ ապօրինի մեղադրանքներ չհնչեցնել», կ’ըսուի Ապտուլաեւայի յայտարարութեան մէջ: