Հայաստանի Հանրապետութեան Ազգային Ժողովի յատուկ նիստին, որ տեղի ունեցաւ Կիրակի, Մարտ 13-ին Վահագն Խաչատուրեան երդմամբ ստանձնեց Հանրապետութեան նախագահի պաշտօնը:
Վահագն Խաչատուրեան, ձեռքը դնելով Վեհամօր Աւետարանի եւ ՀՀ Սահմանադրութեան վրայ, երդուեց . «Ստանձնելով Հանրապետութեան նախագահի պաշտօնը` երդւում եմ. հաւատարիմ լինել Հայաստանի Հանրապետութեան Սահմանադրութեանը, իմ լիազօրութիւններն իրականացնելիս լինել անաչառ, առաջնորդուել միայն համապետական եւ համազգային շահերով եւ իմ ողջ ուժը ներդնել ազգային միասնութեան ամրապնդման գործումէ:
Երդման արարողութենէն յետոյ հնչեց Հայաստանի Հանրապետութեան օրհներգը, իսկ Ամենայն Հայոց Գարեգին Բ. Կաթողիկոսը յղեց հայրապետական օրհնութեան խօսքը:
Արարողութեան կը մասնակցէին ՀՀ վարչապետ Նիկոլ Փաշինեան, նախագահի լիազօրութիւնները մինչեւ այդ կարող ԱԺ նախագահ Ալեն Սիմոնեան, նախարարներ, Արցախի Հանրապետութեան նախագահ Արայիկ Յարութիւնեան եւ այլ պաշտօնատար անձինք: Ընդդիմադիր խմբակցութիւններու պատգամաւորները չեն մասնակցած յատուկ նիստին:
Նախագահի երդման արարողութեան հրաւիրուած էին Հայաստանի մէջ հաւատարմագրուած դիւանագէտներ, սփիւռքի եւ հայրենիքի պետական, հասարակական եւ մշակութային գործիչներ, բարձրաստիճան հոգեւորականներ, արտախորհրդարանական ուժեր, գործարարներ, պաշտօնատար անձինք, Հասարակական կազմակերպութիւններու ներկայացուցիչներ:
Արարողութեան հրաւիրուած էին Սոցիալ Դեմոկրատ Հնչակեան Կուսակցութեան Կեդրոնի եւ Հայաստանի վարչութեան ղեկավարները։
ՀՀ Ազգային Ժողովը Վահագն Խաչատուրեանին Հանրապետութեան նախագահ ընտրած էր Մարտի 3-ի նիստին: Ան ընտրուած է 7 տարի ժամկէտով:
