Ատրպէյճանի արտաքին գործոց նախարար Ջեյհուն Պայրամով յայտարարած է, թէ Պաքուն Հայաստանի հետ յարաբերութիւններու կարգաւորման վերաբերեալ առաջարկներու նոր փաթեթ ներկայացուցած է Երեւանին եւ այժմ կը սպասէ պատասխանի: «Եթէ Հայաստան անկեղծօրէն կ՛ուզէ կարգաւորել յարաբերութիւնները, սա շատ լաւ առիթ է իրենց համար»,- ըսած է Պայրամով թրքական «Անատոլու» գործակալութեան:
Պայրամով չէ ըսած թէ ի՞նչ են այդ առաջարկները։ Միայն յայտնած է որ, խօսքը մէկ էջնոց փաստաթղթի մասին է, որ բաղկացած է հինգ կէտրէ:
«Անոնք բոլորը միջազգային յարաբերութիւններու սկզբունքներ են, արտասովոր ձեւակերպումներ չկան»,- ըսած է ան, աւելցնելով, թէ փաստաթուղթը վերջերս ներկայացուած է: Ատրպէյճանցի նախարարը ըսած է, որ այս առաջարկները նոր են, քանի որ նախորդին Հայաստանը չէր արձագանքած»:
Պաշտօնական Երեւանը Պայրամովի այս յայտարարութեան տակաւին չէ արձագանքած, սակայն յայտարարած էր, թէ Երեւանը յառաջիկային կրնայ դիմել ԵԱՀԿ Մինսկի խումբին Ատրպէյճանի հետ խաղաղութեան բանակցութիւններ նախաձեռնելու համար:
Հայաստանի Արտաքին Գործոց Նախարարութեան խօսնակ Վահան Յունանեան ըսած էր. «Քանի որ երկու երկրները ուղիղ բանակցութիւնների հարուստ փորձ չունեն, իսկ Ատրպէյճանի հետ խաղաղութեան պայմանագրի ստորագրմանը պէտք է նախորդի բանակցային գործընթաց, Հայաստանն առաջիկայում թերեւս կը դիմի ԵԱՀԿ միջնորդներին Ատրպէաճանի հետ խաղաղութեան բանակցութիւններ նախաձեռնելու հարցով»:
«Հարցը ներկայումս գտնւում է մշակման փուլում», – յայտարարած էր Վահան Յունանեան` առանց յաւելեալ մանրամասնութիւններ տալու: