Պաշտօնական Պաքուն կը քննադատէ Մոսկուան «Լեռնային Ղարաբաղ» անուանումէն չհրաժարելու համար:
Ատրպէյճանի Պաշտպանութեան Նախարարութիւնը անթոյլատրելի համարած է մասնաւորապէս Ռուսաստանի Պաշտպանական Վերահսկողութեան Ազգային Կեդրոնի ղեկավար, զօրավար-գնդապետ Միխայիլ Միզինցեւի խօսքերը, որ Ուքրանիոյ` ռուսական զօրքերու վերահսկողութեան տակ գտնուող տարածք նաեւ «14 թոն առաջին անհրաժեշտութեան ապրանք մատակարարուած է Լեռնային Ղարաբաղէն»:
«Ատրպէյճանի Հանրապետութեան տարածքին «Լեռնային Ղարաբաղ» կոչուող վարչատարածքային միաւոր չկայ: Ռուսաստանի Դաշնութեան յայտարարութիւնները, որոնք բազմիցս կատարուած են ամենաբարձր եւ բարձր մակարդակներով, հաստատած են աջակցութիւնը Ատրպէյճանի տարածքային ամբողջականութեան, ինքնիշխանութեան եւ սահմաններու անձեռնմխելիութեան: Միաժամանակ, այս դիրքորոշումը ամրագրուած է երկու երկիրներուն միջեւ ստորագրուած համապատասխան փաստաթուղթերուն մէջ», յիշեցուցած են Ատրպէյճանի ռազմական գերատեսչութենէն:
Պաքուն նաեւ կը պնդէ` «նման յայտարարութիւնները կրնան վնասել ատրպէյճանա-ռուսական յարաբերութիւններուն եւ յանգեցնել իրավիճակի սրման Ատրպէյճանի այն տարածքներուն մէջ, ուր ժամանակաւորապէս տեղակայուած է ռուսական խաղաղապահ զօրախումբը»:
