Ատրպէյճանի Պաշտպանութեան Նախարարութիւնը կը շարունակէ ապատեղեկատուութիւն տարածել հայ-ատրպէյճանական սահմանի այս կամ այն հատուածին մէջ Հայաստանի զինուած ուժերու կողմէ ատրպէյճանական ստորաբաժանումներու մարտական դիրքերու ուղղութեամբ կրակ բանալու վերաբերեալ, կը յայտնէ Հայաստանի ռազմական գերատեսչութիւնը:
Ատրպէյճանի պաշտպանական գերատեսչութիւնը հաղորդած է, թէ առաւօտեան ՀՀ Զինուած Ուժերու ստորաբաժանումները կրակ բացած են հայ-ատրպէյճանական սահմանի արեւմտեան հատուածին մէջ տեղակայուած ատրպէյճանական մարտական դիրքերու ուղղութեամբ: Այս տեղեկութիւնը նոյնպէս չի համապատասխաներ իրականութեան, կը յայտնէ Հայաստանի Պաշտպանութեան Նախարարութիւնը` նշելով․ «Մարտի 7-ին, սահմանի նոյն ուղղութեամբ ատրպէյճանական կողմի իրականացրած սադրանքից յետոյ իրադրութիւնը հայ-ատրպէյճանական սահմանին յարաբերականօրէն կայուն է եւ գտնւում է ՀՀ Զինուած Ուժերի լիարժէք վերահսկողութեան ներքոյ»:
