Մեր քայլերը այսօր ուղղուած են ոչ միայն արցախահայութեան ընկերա-տնտեսական խնդիրներու լուծման, անվտանգային մարտահրաւէրներու յաղթահարման, այլեւ Արցախի հայութեան իրաւունքներու պաշտպանութեան, այդ իրաւունքներու միջազգայնօրէն արձանագրման: Այս մասին Ղարաբաղեան շարժման տարեդարձին առիթով յղած ուղերձին մէջ կը նշէ Հայաստանի վարչապետ Նիկոլ Փաշինեան:
Ան կը նկատէ, որ հերոսներու սերունդներու եւ ընդհանուր հայրենիքին համար խաղաղ զարգացման դարաշրջան բանալը պիտի ըլլայ «մեծագոյն տուրքը նրանց յիշատակին, որով կ’երաշխաւորուի մեր պետութեան յարատեւութիւնը, Արցախի իրաւունքների միջազգային ճանաչումն ու իրացումը»:
«Այս նպատակների իրացումը պահանջում է հետեւողական, շրջահայեաց եւ ազնիւ աշխատանք ու այս աշխատանքին մէջ պիտի լինենք անսասան», ըսուած է Հայաստանի ղեկավարի ուղերձին մէջ:
Արցախի նախագահ Արայիկ Յարութիւնեանն ալ բարձրաստիճան պետական այրերու, զինուորականներու եւ «Ի Պաշտպանութիւն Արցախի» հասարակական նախաձեռնութեան` ՀՀ-էն ժամանած անդամներուն ուղեկցութեամբ այցելած է քաղաքային յուշահամալիր եւ յարգանքի տուրք մատուցած է:
Ան եղած է նաեւ Ստեփանակերտի զինուորական պանթէոնին մէջ, ուր ծաղիկներ խոնարհած է հայրենիքի պաշտպանութեան համար զոհուած հերոսներու շիրիմներուն:
