Վարչապետ Նիկոլ Փաշինեան ընդունած է «Եւրոնեսթ» Խորհրդարանական Վեհաժողովի համանախագահին գլխաւորած պատուիրակութիւնը, որու կազմին մէջ էր նաեւ ատրպէյճանցի պատգամաւոր Թայիր Միրքիշիլին: Վերջինս համազեկուցող է Քովիտ համավարակին վերաբերող հարցով, հաւանաբար այդ պատճառով ալ ընդգրկուած է պատուիրակութեան կազմին մէջ:
Հանդիպման ընթացքին վարչապետ Փաշինեան ներկայացուցած է Հայաստանի դիրքորոշումները տարածաշրջանին մէջ տեղի ունեցող զարգացումներուն, հաղորդակցման ուղիներու ապաշրջափակման, հայ-ատրպէյճանական սահմանի սահմանագծման եւ սահմանազատման, Հայաստանի եւ Թուրքիոյ միջեւ երկխօսութեան վերաբերեալ: Անվտանգութեան Խորհուրդի քարտուղար Արմէն Գրիգորեան եւ արտաքին գործերու նախարար Արարատ Միրզոյեան հանդիպում ունեցած են միայն վեհաժողովի համանախագահներու մակարդակով:
Ըստ արտաքին գերատեսչութեան տարածած հաղորդագրութեան, նախարար Միրզոյեան ընդգծած է Ատրպէյճանի մէջ անօրինական կերպով պահուող հայ ռազմագերիներու եւ քաղաքացիական անձերու հայրենադարձման անհրաժեշտութիւնը:
Ատրպէյճանական մեճլիսի երկու պատգամաւորները Երեւանի մէջ պիտի ըլլան երկու օր, «Եւրոնեսթ» Խորհրդարանական Վեհաժողովի գրասենեակին եւ յանձնաժողովներու նիստերուն մասնակցելու համար: Լրագրողները անոնց հանդիպելու հնարաւորութիւն դեռ չեն ունեցած, առաջին նիստը փակ էր, ինչպէս յայտնեց «Եւրոնեսթ» Խորհրդարանական Վեհաժողովին մէջ Հայաստանի պատուիրակութեան ղեկավար Մարիա Կարապետեանը:
«Այսինքն միշտ բոլոր երկրներում, քաղաքներում, երբ այդ նիստը տեղի է ունենում, չի հեռարձակւում, դրա շուրջ յաւելեալ լարուածութիւն պէտք չէ ունենալ, ինչպէս մեր Ազգային Ժողովի խորհրդի նիստերը չեն հեռարձակւում: Վաղը ամբողջական աշխատանքային օրն է` առաւօտեան 9-ից մինչեւ երեկոյեան մօտաւորապէս ժամը 18-ը կ’ընթանան յանձնաժողովների նիստերը` քաղաքական, ուժանիւթային, տնտեսական եւ ընկերային յանձնաժողովների նիստերը», նշեց Կարապետեան:
Երեւան ժամանած ատրպէյճանցի պատգամաւորներն են Թայիր Միրքիշիլին եւ Սոլթան Մամետովը, եւս մէկ անձ անոնց կ’ուղեկցի:
Հայկական կողմը Ատրպէյճանէն ժամանած պատուիրակութեան անվտանգութեան երաշխիքներ տրամադրած է, նման իրավիճակներու մէջ այդ բնական ընթացակարգ է, կը փոխանցէ իշխող ուժի պատգամաւորը` յիշեցնելով 2017 թուականը, երբ Պաքուն կրկին «Եւրոնեսթ»-ի շրջանակներուն մէջ նման երաշխիքներ տուած էր հայ պատգամաւորներուն:
«Եւրոնեսթ»-ի լիագումար նիստը Երեւանում անցկացուել է նաեւ 2015 թուականին, սակայն ատրպէյճանական պատուիրակութիւնը հրաժարուել էր Հայաստան գալ: «Եւրոնեսթ»-ի շրջանակում վերջին անգամ Պաքուից պատգամաւորներ Երեւան ժամանել են 2012 թուականին:
«Նմանատիպ այցերի ժամանակ, հաշուի առնելով ընդհանուր իրավիճակը, կողմերը միմեանց ժամանող անձանց տրամադրում են անվտանգութեան երաշխիքներ: Երբ տիկին Մանէ Թանտիլեանը եւ Արմէն Աշոտեանը մեկնել էին Պաքու, 2017 թուականին, նմանատիպ երաշխիքներ տրամադրուել էին նաեւ նրանց: Դա բնական է», ըսաւ Մարիա Կարապետեան:
Նշենք, որ ատրպէյճանցի պատգամաւորներուն Երեւան այցը ուղեկցուեցաւ բողոքի արարքներով: Խումբ մը քաղաքայիններ փորձեցին փակել օդակայան տանող ճանապարհը` յայտարարելով, որ թոյլ պիտի չտան ատրպէյճանցի պատգամաւորներուն մուտքը Երեւան: Ոստիկանական ուժերու միջամտութենէն յետոյ ճանապարհը բացուեցաւ: