Փարիզի Hôtel du Collectionneur-ի մէջ տեղի ունեցած է Ֆրանսայի Հայկական Կազմակերպութիւններու Համակարգող Խորհուրդի (CCAF) ամէնամեայ ընթրիքը: Խորհուրդի համանախագահ (CCAF), «Nouvelles d’Arménie» ամսագրի խմբագիր Արա Թորանեան, անդրադառնալով ընթրիքին, նշեց, որ ընթրիքը մեծ յաջողութիւն ունեցած է, այն ցոյց տուած է Ֆրանսայի Հայկական Կազմակերպութիւններու Համակարգող Խորհուրդին (CCAF) կշիռը Ֆրանսայի քաղաքական դաշտին մէջ:
«Մենք կրցանք զօրաշարժի ենթարկել 460 հոգի, երկրի վերնախաւերէն` քաղաքական, մտաւոր, տնտեսական, մշակութային եւ այլն: Այդ եզակի իրադարձութիւն է հայկական Սփիւռքին մէջ, նաեւ Ֆրանսայի մէջ, քանի որ այստեղ որեւէ համայնք չունի գրաւիչ այս ուժը, բացի հրէական համայնքէն: Այդ միասնութեան յաղթանակն է, որուն մենք կրցանք հասնիլ: Բացի հանրապետութեան նախագահի թեկնածուներէն, որոնց չփափաքեցանք հրաւիրել՝ մեր ընթրիքը ընտրական հանրահաւաքի չվերածելու համար, այնտեղ էին երկրին բոլոր մեծագոյն քաղաքական գործիչները, ինչպէս նաեւ բազմաթիւ մշակութային տնտեսական խաղցողներ», ըսաւ Թորանեան` յստակացնելով, որ Վալերի Փեքրեսը հանդէս եկած է որպէս Իլ-տը-Ֆրանս շրջանի նախագահ, այլ ոչ որպէս նախագահի թեկնածու, նոյնը Անն Իտալկոյի պարագային է. «Երկուքն ալ արտայայտուեցան Հայաստանի օգտին եւ խստօրէն դատապարտեցին Ատրպէյճանի եւ Թուրքիոյ վերաբերմունքը: Ընդհանուր առմամբ, CCAF-ի այս 8-րդ ընթրիքը ամենայաջողն էր, եւ իր հզօրացման համար մեր կառոյցը պէտք է պահպանէ իր միասնութիւնը եւ պաշտպանէ զայն, պէտք է զգոյշ ըլլայ, որ չդառնայ սեփական յաջողութեան զոհ: Մենք մեծ ուժային խաղադրոյքներ ստեղծած ենք, ինչ որ խանդ կ’առաջացնէ», ըսաւ ան:
Հայաստանը, Թորանեանի գնահատմամբ, CCAF-ի հետ ունի հզօր լծակ` պաշտպանելու իր շահերը Ֆրանսայի մէջ:
