Այս տարուայ Յունուար 1-ի դրութեամբ Հայաստանի Հանրապետութեան մշտական բնակչութեան թիւը կազմած է 2 միլիոն 961.0 հազար մարդ: 2021 թուականի նոյն ժամանակահատուածին ՀՀ մշտական բնակչութեան թիւը կազմած էր 2 միլիոն 963.3 հազար, այսինքն` մէկ տարուայ մէջ մշտական բնակչութեան թիւը նուազած է 2․3 հազարով: 2020 թուականի տարեսկիզբին ՀՀ մշտական բնակչութեան թիւը կազմած էր 2 միլիոն 959.7 հազար, իսկ 2019-ի սկիզբը` 2 միլիոն 965.3 հազար: Այս մասին կը տեղեկացնէ ՀՀ Վիճակագրական Կոմիտէն:
Այս տարուայ Յունուար 1-ի դրութեամբ քաղաքային բնակչութեան թիւը կազմած է 1 միլիոն 891.9 հազար, իսկ գիւղականը` 1 միլիոն 069.1 հազար: Երեւան քաղաքի մշտական բնակչութեան թիւը կազմած է 1 միլիոն 092.7 հազար մարդ:
