Հայաստանի մէջ թուրքերը անշարժ գոյք ունին: Այս մասին յայտարարեց տնտեսութեան նախարար Վահան Քերոբեանը` անդրադառնալով լուրերուն, թէ վերջին շրջանին թուրքերը Հայաստանի մէջ դրամագլուխ ձեռք կը բերեն:
«Միշտ եղել է, օրինակ` անշարժ գոյք, ընկերութիւններ», ըսաւ Քերոբեան:
Տնտեսութեան նախարարը վստահեցուց, որ ռազմավարական կարեւոր առարկաներ այդ ցանկին մէջ չկան:
Վահան Քերոբեան յայտնեց, որ Հայաստանի տնտեսութիւնը այդ առումով Թուրքիոյ համար միշտ բաց եղած է, բացի 2021 թուականէն, երբ կառավարութիւնը թրքական ապրանքներու ներմուծման նկատմամբ արգելք կիրառեց:
«Եթէ գնաք «Փեթակ», այնտեղ ժողովուրդը 10 տարի առաջ էլ բաւական գործնական յարաբերութիւններ է ունեցել իրենց թուրք գործընկերների հետ», ըսաւ Քերոբեան: