ՀՀ-ի վիճակագրական կոմիտէն հրապարակած է 100 մարդու հաշուով հաշուարկուած ցուցանիշները։ Տուեալները հաւաքագրուած են տնային տնտեսութիւններու մէջ կատարուած հետազօտութիւններու արդիւնքներով։
Հարիւր մարդու հաշուով 2020 թուականի դրութեամբ 37-ը բնակած են Երեւան, 63-ը՝ մարզերը, 53-ը կին են, 47-ը՝ տղամարդ։ Հայաստանի մէջ 100 անձէն 98-ը ազգութեամբ հայ են, 2-ը՝ այլազգի, 96-ը քրիստոնեայ են, 4-ը՝ կը դաւանեն այլ կրօններ, 99-ը գրաճանաչ են, 1-ը՝ ոչ, 18-ը ունին բարձրագոյն կրթութիւն, 82-ը՝ աւելի ցած։ Ըստ հրապարակման՝ 100 անձէն 27-ը աղքատ են, 1-ը՝ ծայրայեղ աղքատ։ Հայաստանի մէջ 100 մարդու բաժին ինկած է 0,47 բժիշկ՝ 10 հազար մարդուն 47 բժիշկ։
Հարիւր աշակերտին բաժին ինկած է 8 ուսուցիչ։ 15-74 տարեկան աշխատուժի 100 մարդէն 82-ը կ’աշխատի, 18-ը՝ գործազուրկ։ Հարիւր աշխատողէն 46-ը կին է, 54-ը՝ տղամարդ։ Հարիւրէն 26-ը կ’աշխատին պետական համակարգի, իսկ 74-ը՝ մասնաւոր հատուածի մէջ։ 15-74 տարեկան 100 գործազուրկէն 43-ը կին է, 57-ը՝ տղամարդ։
