Հայաստան ու Թուրքիա յատուկ բանագնացներ կը նշանակեն, որոնք պիտի քննարկեն յարաբերութիւններու կարգաւորման ուղղուած քայլերը։ Այս մասին յայտարարած է Թուրքիոյ արտաքին գործոց նախարար Մեւլութ Չաւուշօղլուն՝ աւելցնելով, որ երկիրները կը վերսկսին թռիչքներ Պոլսոյ եւ Երեւանի միջեւ, յայտնած է Reuters-ը։
Ելոյթ ունենալով խորհրդարանէն ներս արտաքին գործոց նախարարութեան պիւտճէի քննարկման ժամանակ՝ Չաւուշօղլուն ըսած է, որ Թուրքիան Ատրպէյճանի հետ կը համակարգէ Հայաստանի հետ յարաբերութիւններու կարգաւորման քայլերը։
