Home ԳԼԽԱՒՈՐ ԼՈՒՐԵՐ Յայտարարութիւն «Հայաստան» Համահայկական Հիմնադրամի Հոգաբարձուներու Խորհուրդի

Յայտարարութիւն «Հայաստան» Համահայկական Հիմնադրամի Հոգաբարձուներու Խորհուրդի

by MassisPost

«Հայաստան» Համահայկական Հիմնադրամի հոգաբարձուների խորհուրդը լսեց «Մենք ենք, մեր սահմանները» համազգային դրամահաւաքի  շրջանակներում հաւաքագրուած եւ 2020 թուականի ընթացքում Հայաստանի Հանրապետութեանը նուիրաբերուած դրամական միջոցների  նպատակային օգտագործման վերաբերեալ խորհրդի կողմից ստեղծուած աշխատանքային խմբի, Հիմնադրամի հաշուեքննութիւնն իրականացնող  կազմակերպութեան եւ ՀՀ ֆինանսների նախարարի զեկոյցները եւ դրանք ընդունեց ի գիտութիւն:

Աշխատանքային խումբը յայտնեց, որ դրամական միջոցների ոչ նպատակային կիրառման մասին հաւաստի որեւէ ապացոյց չի ստացել, ինչպէս նաեւ աշխատանքային խումբն ու արտաքին աուդիտորը զեկուցեցին, որ իրաւական սահմանափակումները խոչընդոտել են ՀՀ կառավարութեան կողմից ծախսուած գգումարների սկզբնական փաստաթղթերի ուսումնասիրումը:

ՀՀ վարչապետը դիմեց ՀՀ հաշուեքննիչ  պալատին` առաջարկելով դիտարկել այս հարցով կատարուելիք հաշուեքննութիւններում աշխատանքային խմբին եւ աուդիտորական կազմակերպութեանը փորձագիտական մակարդակով ներգրաւելու հնարաւորութիւնը:

ՀՀ վարչապետը յայտարարեց Կառավարութեան թափանցիկ եւ հաշուետուողական գործելու պատրաստակամութեան մասին. աշխատանքային խմբի եւ արտաքին աուդիտորական կազմակերպութեան համար հասանելի դարձնել սկզբնական բոլոր փաստաթղթերը` աշխատանքներն ամբողջականացնելու համար եւ, որը շատ էական է,  վստահեցնել թէ’ խորհրդին, թէ’ հանրութեանը, որ Հիմնադրամի ներդրումները Կառավարութեան խողովակներով պատշաճ կերպով են օգտագործուել:

Հոգաբարձուների խորհուրդն ուշադրութեան կենտրոնում կը պահի այս հարցը եւ, ըստ անհրաժեշտութեան, վերստին կ’անդրադառնայ դրան:

Խորհուրդը, արժեւորելով Հիմնադրամի դերը աշխարհասփիւռ հայութեանը համընդհանուր  նպատակի շուրջ համախմբելու գործում, կրկին շնորհակալութիւն  յայտնեց բոլոր նուիրատուներին եւ աջակիցներին:

Հարակից Նյութեր

Leave a Comment