ՌԴ ԱԳՆ պաշտօնական ներկայացուցիչ՝ Մարիա Զախարովան այսօր, Նոյեմբեր 17-ին մեկնաբանելով Հայաստանի եւ Ռուսաստանի միջեւ 1997 թուականի երկկողմանի համաձայնագիրն ու ՀԱՊԿ-ի մեքենականութիւնները, յայտարարեց, որ Ռուսաստանը լուրջ կը վերաբերի իր պարտաւորութիւններուն՝ ինչպէս երկկողմանի, այնպէս ալ բազմակողմանի։ Այս մասին յայտնած է Սփութնիկ Արմենիան։
«Երկկողմանի ուղղութեամբ համապատասխան խորհրդակցութիւններ կը կատարուին։ Ինչ կը վերաբերի ՀԱՊԿ-ին, ապա, մեր տեղեկութիւններով, այնտեղ ուշադիր կը հետեւին հայ – ատրպէյճանական սահմանին տիրող իրավիճակին», – ըսած է Զախարովան։
Ռուսաստանը կոչ կ’ընէ Հայաստանին եւ Ատրպէյճանին բոլոր խնդիրները լուծելու դիւանագիտական-քաղաքական միջոցներով, յայտարարած է Զախարովան։
«Կը շարունակուի լարուածութեան նուազեցման ուղղուած համատեղ աշխատանքը։ Մենք կոչ կ’ընենք կողմերուն զսպուածութիւն ցուցաբերելու եւ զերծ մնալու նոր միջադէպերէն», – ըսած է Զախարովան։
