Պաշտպանութեան նախարար՝ Արշակ Կարապետեան պաշտօնանկ եղաւ։ Ան այդ պաշտօնը կը գրաւէր 2021-ի Օգոստոսէն։
Կարապետեանին կը փոխարինէ փոխվարչապետ՝ Սուրէն Պապիկեանը, որ ազատուեցաւ փոխվարչապետի պաշտօնէն։
Նախագահ՝ Արմէն Սարգսեան երեք հրամանագիրները ստորագրած է այսօր՝ Նոյեմբեր 15-ին, հիմք ընդունելով վարչապետ Նիկոլ Փաշինեանի առաջարկութիւնը։
Կարապետեանի հրաժարականին նախորդած էին միջադէպեր․ երէկ Հայաստանի պաշտպանութեան նախարարութիւնը հաղորդեց, որ ատրպէյճանական զինուած ստորաբաժանումները փորձած են դիրքային առաջխաղացում ապահովել հայ-ատրպէյճանական սահմանի արեւելեան ուղղութեամբ, որու հետեւանքով սկսած է ուժգին փոխհրաձգութիւն։ Ատրպէյճանի պաշտպանութեան նախարարութիւնը իր հերթին հաղորդեց Հայաստանի զինուած ուժերու կողմէն հրադադարի ռեժիմի խախտման մասին։ Երկու կողմերն ալ նշած են, որ տուժածներ չունին:
Ըստ Հայաստանի ռազմական գերատեսչութեան, ռուսական կողմի միջնորդութեամբ, կ’ընթանան բանակցութիւններ՝ իրադրութեան հանգուցալուծման ուղղութեամբ։