Home ՀԱՅԱՍՏԱՆ Յունուար-Սեպտեմբերին ՀՀ Փաստաթուղթերով Ելքի Ու Մուտքի Բացասական Ցուցանիշը Կազմած Է -103,571

Յունուար-Սեպտեմբերին ՀՀ Փաստաթուղթերով Ելքի Ու Մուտքի Բացասական Ցուցանիշը Կազմած Է -103,571

by MassisPost

Այս տարուայ Յունուարէն Սեպտեմբերի ամիսներուն Հայաստան մուտք գործած է 1 միլիոն 112 հազար 206 մարդ, իսկ ելքը կազմած է 1 միլիոն 179 հազար 710։ Բացասական հաշուեկշիռը կազմած է -67 504 մարդ։ Անոնց կարգին՝ անոնցմէ ՀՀ փաստաթուղթերով ինը ամիսներուն Հայաստան մուտք գործած է 445 316 մարդ, Հայաստանէն մեկնած է 548 887 մարդ։ ՀՀ փաստաթուղթերով ելքի ու մուտքի բացասական ցուցանիշը կազմած է -103 571։ Այս տարուայ ինը ամիսներուն Զուարթնոց օդակայանով Հայաստան ժամանած է 794 948 մարդ եւ մեկնած՝ 843 760 մարդ։ Այս մասին տեղեկացուցած է ՀՀ վիճակագրական կոմիտէն։

Այս տարուայ ինը ամիսներուն Հայաստանին մէջ մահացութեան դէպքերը աճած են, իսկ բնական յաւելաճը՝ նուազած է։ ՀՀ վիճակագրական կոմիտէի հրապարակած տեղեկատուութեան համաձայն՝ այս տարուայ ինը ամիսներուն ծնունդներու թիւը կազմած է 26 809՝ նախորդ տարուայ նոյն ժամանակամիջոցի 26 558-ի փոխարէն։ Մահերու թիւը կազմած է 23 674՝ նախորդ տարուայ նոյն ժամանակամիջոցի 21 284-ի փոխարէն։ Ծնունդները աճած են 0,9, իսկ մահերը՝ 11,2 տոկոսով։ Իսկ 2019 թուականի ինը ամիսներու համեմատ այս տարուայ նոյն ժամանակամիջոցին մահացութեան դէպքերը աճած են 20.9 տոկոսով։
Հայաստանի մշտական բնակչութեան թիւը Հոկտեմբեր 1-ի դրութեամբ կազմած է 2 միլիոն 966.8 հազար մարդ։ Ինչպէս կը տեղեկացնէ ՀՀ վիճակագրական կոմիտէն, անոնց կարգին՝ քաղաքային բնակչութեան թիւը կազմած է 1 միլիոն 896.1 հազար, գիւղականը՝ 1 միլիոն 070.7 հազար։

Երեւանի մշտական բնակչութեան թիւը կազմած է 1 միլիոն 096.1 հազար։ Նշենք, որ տարեսկզբի համեմատ մշտական բնակչութեան թիւը աճած է 3․5 հազարով։ Այս տարուայ Յունուար 1-ի դրութեամբ ՀՀ մշտական բնակչութեան թիւը կազմած էր 2 միլիոն 963.3 հազար, իսկ Յուլիսի մէկի դրութեամբ՝ 2 միլիոն 964.6 հազար մարդ։

Հարակից Նյութեր

Leave a Comment