Հայաստանի 2021-ի Յունուար-Հոկտեմբերին հաւաքագրուած հարկային եկամուտները նախորդ տարուայ նոյն ժամանակի նկատմամբ աճած են 12.7 տոկոսով, ըսած է ՀՀ Պետական Եկամուտներու Կոմիտէի (ՊԵԿ) նախագահ՝ Ռուստամ Բադասեան ԱԺ տնտեսական ու ֆինանսավարկային եւ պիւտճէտային հարցերու մշտական յանձնաժողովներու համատեղ նիստին կայացած պիւտճէտային քննարկումներու ժամանակ:
«2021-ի Յունուար-Հոկտեմբերին հարկային եկամուտների բացարձակ աճը 2020-ի նոյն ժամանակի համեմատ կազմում է շուրջ 144 միլիառ, 12.7 տոկոսով աւելի հարկ է հաւաքագրուել»,- ըսաւ Բադասեան:
Անդրադառնալով գրանցուած աշխատատեղերուն՝ ՊԵԿ-ի նախագահը ըսաւ, որ Յունուար-Սեպտեմբերին հարկման հիմք ունեցող անձերու թուաքանակը կը կազմէ 651 հազար 141: «Սա պատմութեան մէջ բացարձակ մրցանիշ է: Երբեք այսքան աշխոյժ եկամտային հարկ վճարող անձ չենք ունեցել: Անձի հաշուարկով միջին աշխատավարձը 223 հազար 137 է, ընդհանուր հարկման հիմքը կազմած է 145.294 միլիառ»,-նշեց Բադասեան: