Նախագահ Արմէն Սարգսեան Կլասքոյի մէջ կայացող կլիմայի հարցով միջազգային գագաթնաժողովի ծիրէն ներս զրոյցներ ունեցած է ԱՄՆ-ի նախագահ՝ Ճօ Պայտընի, Ֆրանսայի նախագահ՝ էմմանուէլ Մաքրոնի եւ Գերմանիոյ վարչապետ՝ Անկելա Մերքէլի հետ։
Ըստ Հայաստանի նախագահի գրասենեակին՝ Արմէն Սարգսեան զրուցած է նաեւ Մոնաքոյի արքայազն՝ Ալպերթ Երկրորդի, Քաթարի էմիր՝ շէյխ Թամիմ պըն Համատ Ալ Թանիի, Եգիպտոսի նախագահ Աբտըլ Ֆաթթահ Ալ Սիսիի, Սերպիոյ նախագահ՝ Ալեքսանդր Վուչիչի, Կիպրոսի նախագահ՝ Նիքոս Անասթասիատիսի, Արժանթինի նախագահ՝ Ալպերթօ Ֆերնանտէսի, Մոնթենեկրոյի նախագահ՝ Միլօ Ճուքանովիչի, Խրխզիստանի նախագահ՝ Սատիր Ժափարովի, Հնդկաստանի վարչապետ՝ Նարենտրա Մոտիի, Իտալիոյ վարչապետ՝ Մարիօ Տրակիի, Գանատայի վարչապետ՝ Ճասթըն Թրիւտոյի, Աւստրալիոյ վարչապետ Սքոթ Մորիսոնի, Լիբանանի վարչապետ՝ Նեժիպ Միքաթիի, Լիւքսընպըրկի վարչապետ՝ Քսաւէ Պեթըլի, Շուէտի վարչապետ՝ Սթեֆան Լիովընի, Աւստրիոյ վարչապետ Ալեքսանդր Շալենպըրկի, Եւրոպական խորհուրդի նախագահ՝ Շարլ Միշելի հետ:
Փարիզի 26-րդ համաժողովը (COP26) մեկնարկած է երէկ՝ Նոյեմբեր 1-ին: Այսօր կը շարունակուին մասնակից երկիրներու նախագահներու եւ կառավարութիւններու ղեկավարներու ելոյթները, նախատեսուած է նաեւ Արմէն Սարգսեանի ելոյթը։
