Home ԳԼԽԱՒՈՐ ԼՈՒՐԵՐ 2022-ի Համար Կառավարութիւնը Կը Նախատեսէ 7 Տոկոս Տնտեսական Աճ

2022-ի Համար Կառավարութիւնը Կը Նախատեսէ 7 Տոկոս Տնտեսական Աճ

by MassisPost

2022 թուականի համար կառավարութիւնը կը նախատեսէ 7 տոկոս տնտեսական աճ, այսօր՝ Հոկտեմբեր 25-ին Ազգային ժողովում՝ «Պիւտճէ 2022-ի» նախագիծի քննարկման ժամանակ ըսաւ վարչապետ՝ Նիկոլ Փաշինեանը՝ նշելով, որ կառավարութիւնը աւելիին յոյս ունի։ 2021-ի համար կառավարութիւնը կանխատեսած է 6 տոկոս տնտեսական աճ։

Նշելով, որ 2021 թուականի Սեպտեմբերին Հայաստանի մէջ գրանցուած է վճարուող աշխատատեղերու թիւի բացարձակ մրցանիշ՝ 651 հազար 141 վճարուող աշխատատեղ, վարչապետը շեշտեց, որ նման բարձր ցուցանիշ Հայաստանը երբեք չէ ունեցած: Այս տարուայ ցուցանիշը նախորդ տարուանէն բարձր է 3 տոկոսով։

Ընթացիկ տարուայ ընթացքին բաւական բարձր՝ 6,4 տոկոս գնաճի ֆոնին վարչապետը ընդգծեց, որ համախառն աշխատավարձի ֆոնտը նախորդ տարուայ Սեպտեմբերի համեմատ աճած է 15,3 տոկոսով կամ 19 միլիառ 308 միլիոն դրամով, իսկ մէկ աշխատողի աշխատավարձը նախորդ տարուայ Սեպտեմբերի համեմատ՝ 11,9 տոկոսով, կամ 23 հազար 782 դրամով։

Աւելի քան 20 տոկոսով աճած է արտահանումը, շինարարութեան ծաւալները՝ 7 տոկոսով, ծառայութիւններու աճը Սեպտեմբերի դրութեամբ կազմած է աւելի քան 5 տոկոս, ըսաւ գործադիրի ղեկավարը՝ շեշտելով, որ այս գործօնները 7 տոկոս տնտեսական աճի թիրախը կը դարձնեն իրատեսական, «մանաւանդ, որ արդէն մեկնարկել են եւ, յոյս ունեմ, որ յաջողութեամբ աւարտին կը հասցուեն մի քանի խոշոր ներդրումային ծրագրեր, որոնց առաջնային թիրախը Հայաստանը հանքահումքային միջոց արտահանող երկրից ուժեղ մետաղագործութեան եւ մետաղի մշակման հնարաւորինս երկար շղթայ ունեցող երկիր դարձնելն է»։

«2022 թուականի պիւտճէի եկամուտներն, ըստ նախագծի, կազմում են 1 թրիլիոն 946 միլիառ դրամ, որը 2021 թուականի նկատմամբ աւել է 17 տոկոսով, իսկ 2020 թուականի նկատմամբ՝ 25 տոկոսով։ Ծախսերը կազմում են 2 թրիլիոն 190 միլիառ դրամ, որը 2021 թուականի նկատմամբ աւել է 10 տոկոսով, 2020-ի նկատմամբ՝ 16 տոկոսով։ 2022 թուականի հիմնական ծախսերը կազմում են 347 միլիառ դրամ, որը 2021-ի նկատմամբ աւել է 55 տոկոսով, 2020 թուականի նկատմամբ՝ 53 տոկոսով», – տեղեկացուց վարչապետը։

Տնտեսութեան նախարար՝ Վահան Քերոբեանն ալ աւելի վաղ խօսած էր երկնիշ տնտեսական աճի հաւանականութեան մասին՝ յառաջիկայ հինգ տարիներուն Եւրոպական միութեան կողմէ Հայաստանին յատկացուող 2,6 միլիառ եւրօ աջակցութեան փաթեթի նաեւ շնորհիւ։

Հարակից Նյութեր

Leave a Comment