Ատրպէյճանական բանակը զօրավարժութիւններ կը կատարէ Արցախի բռնագրաւուած Քաշաթաղի շրջանի՝ Բերձորին մէջ։ Հաղորդած են ատրպէյճանական լրատուական միջոցները՝ վկայակոչելով երկրի պաշտպանութեան նախարարութեան։
«Համաձայն 2021 թուականի ցամաքային զօրքերու պատրաստութեան ծրագրին՝ Հոկտեմբեր 19-ին Լաչինի մէջ մեկնարկած են ատրպէյճանական բանակի հրամանատարական շտապային զօրավարժութիւններ»,- ըսուած է պաշտօնական հաղորդագրութեամբ։
Զօրավարժութիւնները կը կատարուին կապի եւ տեղանքի կողմնորոշուելու տարատեսակ միջոցներու լայնամաշտապ կիրառմամբ։
«Զօրավարժութիւններու ընթացքին կը ստուգուի ցամաքային զօրքերու եւ զօրքերու տեսակներու փոխգործակցութիւնը՝ կառավարման ժամանակակից մեթոտներու կիրառմամբ»,- նշուած է հաղորդագրութեամբ։