ՄԱԿ-ի արդարադատութեան միջազգային դատարանէն ներս մեկնարկած են Հայաստանի պահանջի հարցով Ատրպէյճանի դէմ հրատապ միջոցներ կիրառելու լսումները
«Արմէնփրէս»–ի հաղորդմամբ՝ Հայաստանը կը խնդրէ դատարանէն կիրառել շարք մը հրատապ միջոցներ, անոնց կարգին՝ ռազմավարի պուրակի փակումը եւ ռազմագերիներու ու պահուող քաղաքացիական անձերու վերադարձը: Լսումները պիտի կայանան Հոկտեմբեր 14-15-ին:
Հայաստանի կողմէ լսումներուն համար կազմաւորուած է խումբ, ուր ներառուած են նաեւ միջազգային յայտնի փորձագէտներ, որոնք պիտի օգնեն ներկայացնել Հայաստանի շահերը:
