Home ՀԱՅԱՍՏԱՆ Հայաստանի Օդային Տարածքով Կատարուած Է Պաքու-Նախիջեւան Երթուղիով Թռիչք

Հայաստանի Օդային Տարածքով Կատարուած Է Պաքու-Նախիջեւան Երթուղիով Թռիչք

by MassisPost

Քաղաքացիական օդագնացութեան կոմիտէն հաստատած է, որ Հոկտեմբեր 6-ին Հայաստանի օդային տարածքով կատարուած է Պաքու-Նախիջեւան երթուղիով թռիչք: Միեւնոյն ժամանակ կոմիտէն յիշեցուցած է, որ ինչպէս Հայաստանի, այնպէս ալ Ատրպէյճանի օդային տարածքներու օգտագործումը չէ սահմանափակուած քաղաքացիական օդանաւերուն համար՝ բացառութեամբ 44-օրեայ պատերազմի ժամանակամիջոցին:

«Նշուած երթուղով թռիչքներ շարունակաբար իրականացուել են նաեւ նախկինում` մինչեւ 2014 թուականի Նոյեմբերի 8-ը, ինչից յետոյ ատրպէյճանական կողմն իր նախաձեռնութեամբ դադարել է օգտուել Հայաստանի Հանրապետութեան օդային տարածքից։ Այս ողջ ընթացքում «Զուարթնոց» օդանաւակայանից Ատրպէյճանի օդային տարածքով չուերթներ են իրականացուել դէպի այլ երկրներ եւ հակառակ ուղղութեամբ եւ շարունակում են իրականացուել», – ըսուած է Քաղաքացիական օդագնացութեան պարզաբանման մէջ։

«Ատրպէյճանական օդանաւային ուղիներ»-ը (AZAL) այսօր յայտարարած էր, որ Հոկտեմբեր 6-ին սկսած է օգտագործել Հայաստանի օդային տարածքը Պաքու-Նախիջեւան-Պաքու ներքին թռիչքներ կատարելու համար: Ատրպէյճանի նախագահը իր հերթին աւելցուցած է, որ Հայաստանի հետ հաղորդակցութեան ուղիներու բացումը արդէն սկսած է:

Հայկական կողմը նաեւ շեշտած է, որ Հայաստանի օդագնացութեան իշխանութիւններու կողմէ տարանցիկ թռիչքի թոյլտուութիւն չի տրամադրուիր, քանի որ ըստ ընթացակարգերուն՝ քաղաքացիական օդանաւերով տարանցիկ թռիչքներ կատարելու համար որեւէ թոյլտուութիւն չի պահանջուիր, եւ որ օդային մայրուղիներու ընտրութեան իրաւասութիւնը վերապահուած է օդանաւ շահագործողներուն:

Հարակից Նյութեր

Leave a Comment