«Ղարաբաղը ականներէն մաքրելու համար կը պահանջուի 13 տարի», յայտարարած է Ատրպէյճանի ականազերծման պետական գործակալութիւնը։
Ատրպէյճանցի մասնագէտներու հաշուարկով՝ վերջին պատերազմէն յետոյ Ատրպէյճանին անցած տարածքներու եւ շրջակայ շրջաններուն մէջ ականապատուած է մօտ 14 հազար քառակուսի քիլոմեթր։ Զանոնք ականազերծելու համար նախագահ՝ Իլհամ Ալիեւ յանձնարարած է տրամադրել պիւտճէէն 60 միլիոն տոլար այս տարի ։
Պաշտօնական հաղորդագրութիւնը նշած է, որ ատրպէյճանցի ականազերծողներուն կ’օգնեն թուրք մասնագէտները, ինչպէս նաեւ ռուս խաղաղապահները։