Մարդու իրաւունքներու եւրոպական դատարանը (ՄԻԵԴ) այսօր՝ 2021-ի Օգոստոս 31-ին, հրապարակած է ԵԿՄ (Երկրապահ կամաւորականների միութիւն) վարչութեան նախագահ՝ Սասուն Միքայէլեանի՝ Հայաստանի Հանրապետութեան դէմ դատական հայցի վերաբերեալ դատավճիռը:
Մարդու իրաւունքներու եւ հիմնարար ազատութիւններու պաշտպանութեան մասին համաձայնագրի 34-րդ յօդուածով Հայաստանի Հանրապետութեան դէմ հայցադիմումը (թիւ 1879/10) ընդդէմ Հայաստանի Հանրապետութեան, ՀՀ քաղաքացի Սասուն Միքայէլեանը դատարան ներկայացուցած է 2009-ի Դեկտեմբեր 25-ին:
Գործը կը վերաբերի հայցուորին դատապարտման՝ 2008-ի Փետրուար 19-ի վիճելի նախագահական ընտրութիւններուն յաջորդած բողոքի շարժման մասնակցելու համար, որով գործ յարուցուած է համաձայն համաձայնագրի 6-րդ յօդուածի 1-ին եւ 3-րդ կէտերուն, 10-րդ, 11-րդ եւ 14-րդ յօդուածներուն:
Մարդու իրաւունքներու եւրոպական դատարանը վճռած է, որ պատասխանող կողմը երեք ամսուայ ընթացքին որպէս բարոյական վնասի փոխհատուցում պէտք է Սասուն Միքայէլեանին վճարէ 9000 եւրօ, ինչպէս նաեւ 3800 եւրօ՝ անոր կատարած ծախսերուն դիմաց։
Մարդու իրաւունքներու եւրոպական դատարանը 2021-ի Օգոստոս 31-ին հրապարակած է ՀՀ նախկին արտաքին գործոց նախարար՝ Ալեքսանդր Արզումանեանի՝ Հայաստանի Հանրապետութեան դէմ դատական հայցի վերաբերեալ դատավճիռը:
Եպրոպական դատարանը այսօր Ալեքսանդր Արզումանեանի վերաբերեալ գործով (Մարտ 1-ի գործ) վճռած է ճանաչել Համաձայնագրի 11-րդ յօդուածի խախտում եւ տալ համապատասխան փոխհատուցում:
Ալեքսանդր Արզումանեանը Մարդու իրաւունքներու եւրոպական դատարանէն ներս շահած է Հայաստանի դէմ ներկայացուցած հայցի գործով դատը, եւ պետական պիւտճէէն ՀՀ կառավարութիւնը Ալեքսանդր Արզումանեանին պէտք է վճարէ 9000 եւրօ որպէս բարոյական վնասի փոխհատուցում, եւս 2600 եւրօ` անոր կատարած ծախսերուն դիմաց։
