Ս.Դ.Հ.Կ.-ի Սուրիոյ Հարաւային շրջանի Վարիչ Մարմինը ընկերակցութեամբ` Կեդրոնական Վարչութեան փոխ Ա. Պետ` ընկ. Վազգէն Համալեանի, պաշտօնական այցելութեամբ մը գտնուեցան Սուրիոյ մէջ Հայաստանի դեսպանատուն, ուր դիմաւորուեցան Արտակարգ եւ Լիազօր դեսպան` Մեծարգոյ տիար Տիգրան Գէորգեանի եւ դեսպանատան անձնակազմին կողմէ:
Ընկ. Վազգէն Համալեան խօսք առնելով շրջանիս եւ Կեդրոնին անունով, նախ` շնորհաւորեց Հայ Ժողովուրդը վերջին ընտրութիւններու յաջող եւ հեզասահ ընթանալու կապակցութեամբ,ապա շնորհաւորեց Հայաստանի Վարչապետ` Տիար Նիկոլ Փաշինեանի վերընտրուիլը, մատնանշելով` կուսակցութիւնս մտահոգող նիւթերու մասին, ի մասնաւորի հայ ռազմագերիներու վերադարձը…
Իր կարգին պրն. Դեսպանը ընդունելով շնորհաւորանքը խոստացաւ զայն փոխանցել Հայաստանի Պետութեան եւ պրն. Փաշինեանին:
