Պաշտօնական Նիւ Տէլհին մտահոգութեամբ կը հետեւի իրադրութեան Հայաստանի եւ Ատրպէյճանի սահմանին, այսօր՝ Մայիս 19-ին յայտարարած է Հնդկաստանի արտաքին գործոց նախարարութեան խօսնակը՝ պատասխանելով լրատուամիջոցներու հարցումին։
«Սահմանային ներխուժումները ռազմական տեղաշարժերով կարող են ապակայունացնել իրավիճակը եւ յանգեցնել մարտական գործողութիւններու վերսկսման», – ըսուած է յայտարարութեամբ, որ հրապարակուած է Հնդկաստանի արտաքին քաղաքական գերատեսչութեան պաշտօնական կայքէջը։
«Կոչ կ’ուղղենք խախտող կողմին անմիջապէս ետ քաշելու ուժերը եւ դադրեցնելու որեւէ հետագայ սադրանք», – յայտարարած է խօսնակը՝ շեշտելով, որ Հնդկաստանը միշտ հանդէս եկած է երկկողմանի վէճերու խաղաղ, քաղաքական եւ դիւանագիտական միջոցներով լուծման օգտին։
«Խաղաղութիւնը եւ կայունութիւնը Հարաւային Կովկասին մէջ կարեւոր է տարածաշրջանային անվտանգութեան տեսակէտէն», – ըսուած է Հնդկաստանի արտաքին քաղաքական գերատեսչութեան յայտարարութեամբ։