ՄԱԿ-ի գլխաւոր քարտուղարի մամլոյ խօսնակ՝ Ստեֆան Տիւժարիկ անդրադարձած է ՄԱԿ-ի կողմէ Արցախի մէջ մարդասիրական առաքելութիւն իրագործելու վերաբերեալ հարցին:
Ըստ «Արմէնփրէս»-ին, ՄԱԿ-ի գլխաւոր քարտուղարի մամլոյ խօսնակը օրական ճեպազրոյցի ընթացքին, անդրադառնալով Արցախի մէջ մարդասիրական առաքելութիւն իրագործելու հարցին, ընդգծած է, որ ՄԱԿ կը ցանկայ առանց խոչընդոտներու մարդասիրական մուտք ունենալ Լեռնային Ղարաբաղ:
Ան աւելցուցած է, որ այդ տեղի չէ ունեցած Ատրպէյճանի իշխանութիւններու կողմէ ստեղծուած խոչընդոտներու պատճառով:
«Մենք յոյս ունինք, որ առաջիկային մենք այդ հարցով առաջընթաց կը տեսնենք»,- ըսած է Տիւժարիկ: