ԱՄՆ-ի քոնկրէսի հայկական հարցերով յանձնախումբի համանախագահ՝ Ֆրանք Փալոն անդրադարձած է Սիւնիքի հատուածի ՀՀ սահմանի նկատմամբ Ատրպէյճանի ոտնձգութիւններուն՝ կոչ ընելով ԱՄՆ-ին օգտագործելու իր ազդեցութիւնը այս հարցով:
«Արմէնփրէս»-ի հաղորդմամբ՝ ԱՄՆ-ի քոնկրէսականը այս մասին գրած է Թուիթըրեան իր էջով:
Փալոն նկատել տուած է, որ Ատրպէյճան այժմ ներխուժած է Հայաստան՝ միջազգային իրաւունքի ակնյայտ խախտումով: «ԱՄՆ պէտք է դատապարտէ այս յարձակումը եւ օգտագործէ իր ազդեցութիւնը դաշնակիցներուն վրայ, որպէսզի Հայաստանի տարածքէն ատրպէյճանական ուժերը դուրս ելլեն»,- նշած է քոնկրէսականը:
