Մայիս 5-ին, 3 հայ գերիներ Պաքուէն վերադարձուած են Երեւան, տեղեկութիւնը «Ազատութիւն»-ին հաղորդեցին փոխվարչապետի պաշտօնակատար՝ Տիգրան Աւինեանի գրասենեակէն։
«ԵԱՀԿ Մինսքի խմբի համանախագահ երկրների ջանքերի արդիւնքում եւ միջազգային հանրութեան օրեցօր աճող ճնշման պայմաններում Ատրպէյճանը վերադարձրել է երեք հայ ռազմագերիների: Լիայոյս ենք, որ այս գործընթացը կ’ունենայ իր տրամաբանական շարունակութիւնն ու շուտափոյթ աւարտը», – հաղորդած են Աւինեանի գրասենեակէն։
Գերիներու վերադարձի մասին, նոյն օրը աւելի վաղ յայտարարած էին ատրպէյճանական լրատուամիջոցները, նշելով, որ անոնք գերեվարուած են պատերազմի աւարտէն յետոյ։
Այսպիսով, Ատրպէյճանէն Հայաստան վերադարձած գերիներու թիւը հասաւ 72-ի, նաեւ Պէյրութ վերադարձած է լիբանանահայ կին մը։
Հայկական կողմի տուեալներով՝ Ատրպէյճան դեռ շուրջ 200 հայ ռազմագերի ու քաղաքացիական անձ կը պահուի անազատութեան մէջ։
