ԹԱՍՍ լրատուական գործակալութեան հաղորդմամբ, Հայաստանի անվտանգութեան խորհուրդի քարտուղար՝ Արմէն Գրիգորեան տարածքային ամբողջականութեան ուղղուած սպառնալիք անուանած է Ատրպէյճանի նախագահ՝ Իլհամ Ալիեւի յայտարարութեան այն մասը, որ «Ատրպէյճանը կը բանայ Զանգեզուրի միջանցքը անկախ Երեւանի համաձայնութենէն»:
Այդ մասին Գրիգորեան ըսած է Ապրիլ 29-ին, Տուշանպէի մէջ՝ ՀԱՊԿ երկիրներու ազգային անվտանգութեան խորհուրդներու քարտուղարներու նիստին:
Գրիգորեան կոչ ըրած է գործընկերներուն արձագանգելու Ալիեւի յայտարարութեան․ – «Դա ոչ այլ ինչ է, եթէ ոչ ուղիղ սպառնալիք ՀԱՊԿ անդամ պետութեան տարածքային ամբողջականութեանը: Նման բաները չի կարելի անտեսել, յատկապէս հաշուի առնելով Ատրպէյճանի յարձակողական նկրտումները, ես կարծում եմ, որ մեր կազմակերպութիւնը պէտք է միանշանակ դիրքորոշում դրսեւորի ՀԱՊԿ անդամ ցանկացած երկրի տարածքային ամբողջականութեանն ուղղուած ոտնձգութեան պարագայում»։
Հայաստանի անվտանգութեան խորհուրդի քարտուղարը նաեւ խստօրէն քննադատած է Պաքուի մէջ «ռազմական աւարի պուրակի» բացումը:
«Նման «պուրակի» գաղափարն ինքնին ֆաշիզմի դսեւորում է», – ըսած է Արմէն Գրիգորեան: