Home ՀԱՅԱՍՏԱՆԱՐՑԱԽ Ատրպէյճանը Հրադադարի Խախտումներով Նպատակ Ունի Խուճապ Ստեղծել Արցախի Մէջ

Ատրպէյճանը Հրադադարի Խախտումներով Նպատակ Ունի Խուճապ Ստեղծել Արցախի Մէջ

by MassisPost

Ատրպէյճանի կողմէ տարբեր տրամաչափի հրաձգային զինատեսակներէն տարբեր ուղղութիւններով հրադադարի խախտումները նպատակ ունին խուճապային տրամադրութիւններ ստեղծել Արցախի մէջ եւ ստուերել ռուսական խաղաղապահ առաքելութեան իրագործումը: Այս մասին յայտարարած է Արցախի Հանրապետութեան պաշտպանութեան նախարարութիւնը:

«Վերջին օրերին հակառակորդը տարբեր տրամաչափի հրաձգային զինատեսակներից տարբեր ուղղութիւններով խախտել է հրադադարի պահպանման ռեժիմը: Նշուած խախտումների առանձնայատկութիւնը կայանում է նրանում, որ եթէ նախկինում թշնամական կողմը հիմնականում կրակում էր դէպի օդ, ապա ներկայումս աւելի յաճախակի են դարձել ՊԲ մարտական դիրքերի եւ սահմանամերձ խաղաղ բնակավայրերի ուղղութեամբ արձակուած կրակոցները:

Համոզուած լինելով, որ նշուած խախտումները նպատակ ունեն խուճապային տրամադրութիւններ ստեղծել Արցախի ազգաբնակչութեան շրջանում, ինչպէս նաեւ ստուերել ռուսական խաղաղապահ առաքելութեան իրականացումը՝ կոչ ենք անում ատրպէյճանական կողմին զերծ մնալ նման սադրիչ գործողութիւններից եւ հաւատարիմ մնալ ձեռք բերուած պայմանաւորուածութիւններին»,- նշուած է նախարարութեան յայտարարութեան մէջ:

 

Հարակից Նյութեր

Leave a Comment