Ամերիկեան Քոնկրէսի Հայկական հարցերով յանձնախումբը կոչ կ’ընէ Միացեալ Նահանգներուն աւելի քան 100 միլիոն տոլարի օգնութիւն յատկացնելու Հայաստանին եւ Արցախին՝ հաշուի առնելով այն իրավիճակը, որ ստեղծուած է անցեալ տարի թուրք-ատրպէյճանական աւերիչ յարձակումներէն ետք:
Քոնկրէսականներու նամակով ըսուած է, որ օգնութիւնը անհրաժեշտ է Լեռնային Ղարաբաղի հայ բնակչութեան՝ տուները վերականգնելու, աշխատանքներ վերակառուցելու, սննդային անվտանգութիւն ապահովելու, դեղերու, ջուր մատակարարելու եւ այլ առաջնահերթ խնդիրներ լուծելու համար:
Հայամէտ Քոնկրէսականները կ’առաջարկեն, ի մասնաւորի, 2 միլիոն տոլար ուղղել Լեռնային Ղարաբաղի մէջ պայմանական զէնքի ոչնչացման ծրագիրին, 100 միլիոն տոլար՝ Պետական Գրասենեակի եւ USAID-ի միջոցով Հայաստանին տնտեսական, կառավարման, օրէնքի գերակայութեան եւ անվտանգութեան ոլորտներու աջակցութեան:
Քոնկրէսականները կոչ կ’ընեն նաեւ դադրեցնելու ամէն տեսակի ֆինանսական օգնութիւն Ատրպէյճանին, քանի որ դեռ երաշխաւորուած չէ Հայաստանի եւ Արցախի դէմ յարձակումներու դադրեցումը:
