Հայաստանի առաջին նախագահ, Հայ ազգային քոնկրեսի ղեկավար՝ Լեւոն Տէր Պետրոսեան Փետրուար 5-ին իր առանձնատան մէջ հանդիպած է Ամերիկայի Միացեալ Նահանգներու դեսպան՝ Լին Թրէյսիի հետ:
ՀԱԿ-ի խօսնակ՝ Արման Մուսինեանի հաղորդմամբ` աւելի քան մէկ ժամ տեւած զրոյցի ընթացքին քննարկուած են Հայաստանի եւ Արցախի մէջ ստեղծուած իրավիճակին վերաբերող շարք մը հարցեր: Երկուստեք ընդգծուած է միջազգային հանրութեան, մասնաւորապէս ԱՄՆ-ի կողմէ իրագործուող եւ ակնկալուող մարդասիրական օգնութեան կարեւորութիւնը: Հրատապ խնդիր դիտուած է մանաւանդ ռազմագերիներու անյապաղ վերադարձը եւ Արցախի ու Հայաստանի բնակչութեան, պատերազմին զոհուածներու ընտանիքներու, վիրաւորներու եւ հաշմանդամներու ընկերային կարիքներու ապահովումը:
Խօսնակի հաղորդմամբ` հանդիպման մասնակցած են դեսպանատան քաղաքական եւ տնտեսական բաժնի ղեկավարի տեղակալ՝ Քիմպըրլի Զափֆըլը եւ ՀԱԿ-ի փոխ նախագահ՝ Լեւոն Զուրապեան:
