Քննչական կոմիտէի Երեւան քաղաքի քննչական վարչութեան ծանր յանցագործութիւններու քննութեան բաժնէն ներս քննութիւն կը կատարուի, Կառավարութեան շէնքը գրաւելու փորձ կատարելու դէպքի բոլոր հանգամանքները պարզելու ուղղութեամբ, յարուցուած է քրէական գործ, կան ձերբակալուածներ, կը հաղորդէ Քննչական կոմիտէն։
«2021 թուականի Յունուար 28-ին` ժամը 17:00-ի սահմաններում, Երեւան քաղաքի Հանրապետութեան հրապարակում նախապէս յայտարարուած հաւաքի ընթացքում, մի խումբ անձանց կողմից, նախնական համաձայնութեամբ, ՀՀ կառավարութեան շէնքը զաւթելու փորձ է արուել», – ըսուած է Քննչական կոմիտէի հաղորդագրութեան մէջ։
Գործը յարուցուած է Քրէական օրէնսգրքի 34-219-րդ յօդուածի (շէնքեր, շինութիւններ, փոխադրութեան, հաղորդակցութեան կամ կապի միջոցներ զաւթելու փորձ) 2-րդ մասի 1-ին կէտի յատկանիշներով:
Նախաքննութեան ընթացքին 5 անձ ձերբակալուած է՝ Կառավարութեան շէնքը գրաւելու փորձ կատարելու կասկածանքով:
Կը կատարուի նախաքննութիւն: