Ռուսական կողմի միջնորդութեամբ, ինչպէս նաեւ Հայաստանի ԱԱԾ-ի ջանքերով, հայրենիք վերադառթձած են 5 գերի, կը յայտնէ Հայաստանի փոխ վարչապետ՝ Տիգրան Աւինեան։
«Այսօր նաեւ գերութեան մէջ գտնուող մեր 62 զինծառայողներ հեռախօսակապով զրուցել են իրենց հարազատների հետ», – իր դիմատետրի էջին վրայ գրած է Աւինեան։
Պաքուէն հայրենիք վերադարձած 5 գերիները Շիրակի մարզի 62 զինծառայողներու խումբէն են: Այդ մասին լրագրողներու հետ զրոյցի ընթացքին տեղեկացուց Արցախի Հանրապետութեան նախագահ՝ Արայիկ Յարութիւնեանի յատուկ յանձնարարութիւններով ներկայացուցիչ՝ Պորիս Աւագեան։
«Անուն–ազգանունները կը հրապարակուեն։ Հինգն էլ Շիրակի մարզի 62-ի ցուցակից են, այդ 62-ից առաջին խումբն էր սա», – «Արմէնփրես»-ի հաղորդմամբ՝ ըսած է Աւագեան՝ աւելցնելով, որ անոնց նկատմամբ Ատրպէյճանի մէջ յարուցուած քրէական մեղադրանքները բարդացուցած են զինծառայողներու վերադարձման գործընթացը, բայց այն, որ առաջին խումբը արդէն Հայաստան է, կը նշանակէ, որ գործընթացը կ’առաջանայ։
«Ես տղաներին տեսայ, նորմալ են, առողջական վիճակը լաւ է, հիմա բժշկական հետազօտութիւն են անցնում, իսկ դրանից յետոյ արդէն կը հանդիպեն ընտանիքների հետ», – ըսաւ Աւագեան։
Ընդհանուր առմամբ մինչ օրս Հայաստան վերադարձուած է 59 գերի:
