Ազգային ժողովի «Իմ քայլը» խմբակցութիւնը Բարձրագոյն դատական խորհուրդի անդամի թեկնածուներ առաջադրած է Գագիկ Ջհանգիրեանն ու Դաւիթ Խաչատուրեանը:
Այս մասին յայտնած է ԱԺ նախագահը:
Ջհանգիրեան նախկին զինուորական դատախազ է, «Մարտի 1»-ի գործով դատապարտուած է, իսկ 10 տարի անց արդարացած:
Դաւիթ Խաչատուրեան իրաւաբանական գիտութիւններու թեկնածու է, եղած է Բաց հասարակութեան հիմնադրամի տնօրէններու խորհուրդի նախագահը: Վերջինս Յատուկ Քննչական Ծառայութեան (ՅՔԾ) պետ Սասուն Խաչատրեանի եղբայրն է:
Միւս կողմէ, այսօր Վարչական դատարանը բաւարարած է Գագիկ Ջհանգիրեանի հայցը ամբողջութեամբ, յայտնած է Հայ ազգային քոնկրեսի (ՀԱԿ) իրաւական հարցերով ներկայացուցիչ՝ Արմէն Խաչատրեան:
«Վճռով անվաւեր ճանաչեց Ռոպերթ Քոչարեանի` պաշտօնից ազատելու ու դասային աստիճանից զրկելու ապօրինի հրամանագրերը», – գրած է Խաչատրեան իր դիմատետրի էջին վրայ։
Ջհանգիրեան ՀՀ վարչական դատարանէն կը պահանջէր առ ոչինչ ճանաչել Ռոպերթ Քոչարեանի հրամանագիրները, որով զրկուած էր գլխաւոր դատախազի տեղակալի պաշտօնէն եւ արդարադատութեան առաջին դասի պետական խորհրդականի դասային աստիճանէն:
