Մարտակերտ-Քարվաճառ-Վարդենիս ճանապարհը դեռ պիտի շարունակէ գտնուիլ հայկական ուժերու վերահսկողութեան տակ, եւ շրջափակման մէջ մնալու վերաբերեալ հասարակութեան մէջ առկայ մտավախութիւնները իրական հիմքեր չունին, այս մասին այսօր՝ Նոյեմբեր 13-ին, աշխատանքային ընդլայնուած խորհրդակցութեան ժամանակ յայտարարած է Արցախի նախագահ՝ Արայիկ Յարութիւնեան:
«Պէտք է շտապ միջոցներ ձեռնարկել կեանքի բնականոն պայմաններին վերադառնալու ուղղութեամբ», – ըսած է ան: Վերջինիս խօսքով` այն քաղաքացիները, որոնք պատերազմի հետեւանքով կորցսնցուցած են իրենց բնակարանները, հիմնականին մէջ կը բնակեցուին Ստեփանակերտ, ինչպէս նաեւ Լեռնային Ղարաբաղի միւս բնակավայրերը:
«Նրանք ժամանակաւորապէս նախ կ’ապաստանեն հիւրանոցներում եւ պետութեան վարձակալած բնակարաններում, ապա պետական միջոցներով հիմնաւորապէս կը լուծուի բոլորի բնակարանային խնդիրը:
Ոչ մի քաղաքացի ուշադրութիւնից դուրս չի մնալու, եւ կառավարութեան խնդիրն է անյապաղ լուծել մեր բոլոր հայրենակիցների ընկերային խնդիրները», – դիմատետրի էջին վրայ գրած է Արայիկ Յարութիւնեան:
