Այսօր՝ Նոյեմբեր 6-ի վաղ առտուընէ Ստեփանակերտն ու Շուշին կրկին կրակի տակ են: Ինչպէս հաղորդեց Արցախի արտակարգ իրավիճակներու պետական ծառայութիւնը (ԱԻՊԾ), Ստեփանակերտին հարուածներ կը հասցուին քասեթային ռումբերով:
Օրուայ ընթացքին քաղաքին մէջ անդադար միացուած էր տագնապի ազդանշանը: Հարուածները կը յաջորդէին մէկը միւսին:
Ստեփանակերտը գիշերուայ ընթացքին նաեւ հրթիռակոծուած է: Հրթիռը ինկած է բնակելի տան մը վրայ, զոհուած է քաղաքացիական 3 անձ։
Արցախի արտակարգ իրավիճակներու պետական ծառայութիւնը կը հաղորդէ, որ այս պահուն Ստեփանակերտի եւ Շուշիի հրթիռակոծութիւններու հետեւանքներով տուժողներուն մասին տուեալներ չկան: