Թուրքիոյ նախագահ՝ Ռէճէպ Թայէպ Էրտողան այսօր՝ Հոկտեմբեր 23-ին Պոլսոյ մէջ յայտարարած է, որ Անգարան եւ Մոսկուան ղարաբաղեան խնդրով ունին նոյն իրաւունքները:
«Թուրքիան ունի ղարաբաղեան խաղաղ կարգաւորման մասնակցելու այնպիսի իրաւունք, ինչպիսին ունի Ռուսաստանը: Գիտէք, որ Թուրքիան ԵԱՀԿ Մինսքի խումբի անդամ է, սակայն եռանախագահութիւնը, ցաւօք, մինչ օրս արդիւնքի չէ հասած: Ատրպէյճան իրաւացի պահանջ կը դնէ՝ ըսելով, եթէ Հայաստանը Ռուսաստանին կ’առաջարկէ, ուրեմն մենք ալ Թուրքիոյ առաջ կը քաշենք: Ատրպէյճանը կը պնդէ, որ սահմանային անվտանգութեան եւ խաղաղութեան հասնելու բանակցութիւններուն Թուրքիան եւ Ռուսաստանը միասին գործեն»,- Պոլսոյ ուրբաթօրեայ աղօթքէն յետոյ ըսած է Էրտողան:
Միեւնոյն ժամանակ, ան նշած է, որ «Ռուսաստան հակամարտութեան կարգաւորման Թուրքիոյ մասնակցութեան վերաբերեալ ոչ մէկ պահանջ կը ներկայացնէ»: «Այս մասով Ռուսաստանէն բացասական կարծիք չէ հնչած: Մինչ այժմ Սուրիոյ եւ Լիպիոյ հարցով միասին աշխատած ենք, մեր ցանկութիւնն է նոյն կերպ յաջողութեամբ աշխատիլ նաեւ Ատրպէյճանի եւ Հայաստանի միջեւ խնդրի լուծման ուղղութեամբ»,- նշած է Թուրքիոյ նախագահը: