Home ՀԱՅԱՍՏԱՆԱՐՑԱԽ Կէս Գիշերէն Սկսեալ Հաստատուած Է Մարդասիրական Զինադադար

Կէս Գիշերէն Սկսեալ Հաստատուած Է Մարդասիրական Զինադադար

by MassisPost

Հայաստանը և Ատրպէյճան որոշած են Հոկտեմբեր 18-ին,  տեղական ժամանակով կէս գիշրէն սկսեալ հաստատել մարդասիրական զինադադար։

«Այս որոշումը կայացուել է՝ ի շարունակութիւն ԵԱՀԿ Մինսկի խմբի համանախագահ երկրները ներկայացնող Ֆրանսիայի, Ռուսաստանի և Ամերիկայի Միացեալ Նահանգների նախագահների Հոկտեմբերի 1-ին արուած յայտարարութեան, ԵԱՀԿ Մինսկի խմբի համանախագահների Հոկտեմբերի 5-ի արուած յայտարարութեան և համաձայն Հոկտեմբերի 10-ին Մոսկուայում ընդունուած համատեղ յայտարարութեան», – ըսուած է Հայաստանի Արտաքին Գործոց Նախարարութեան տարածած հաղորդագրութեան մէջ: Ատրպէյճանական կողմը եւս հաստատած է այս տեղեկութիւնը։

Լեռնային Ղարաբաղի Արտաքին Գործոց Նախարարութիւնը եւս  ողջունած է ԵԱՀԿ Մինսկի խումբի համանախագահ պետութիւններու և Հայաստանի ջանքերը՝ ուղղուած Արցախի և Ատրպէյճանի հակամարտութեան գօտին վրայ կրակի դադարեցումը և լարուածութեան նուազեցումը։

Արցախի Հանրապետութեան նախագահի մամուլի խօսնակ Վահրամ Պօղոսեանը «Արմենփրես»-ի հետ զրոյցի ընթացքին յայտնած է որ, Ատրպէյճանի կողմէ մարդասիրական զինադադարի համաձայնագրի պահպանման պարագային, Արցախի Պաշտպանութեան Բանակը պատրաստ է շրջափակման մեջ գտնուող ատրպէյճանական զօրքերուն մարդասիրական միջանցք տրամադրել:

«Եթէ նախատեսուած ժամից սկսուած Ատրպէյճանը պահպանում է մարդասիրական զինադադարի ռեժիմը, ՊԲ-ն պատրաստ է շրջափակման մէջ գտնուող ատրպէյճանական զօրքերին մարդասիրական միջանցք տրամադրել», ըսած է Պօղոսեան:

Աւելի ուշ Վահրամ Պօղոսեան «Ֆէյսպուքի» իր էջին վրայ գրեց. «Առաջնագծում իրավիճակը խաղաղուեց»։

 

Հարակից Նյութեր

Leave a Comment