Ֆուտպոլի Հայաստանի հաւաքականը Ազգերու Լիկայի C բաժանմունքի երկրորդ խումբի երրորդ շրջանին մրցեցաւ Վրաստանի հաւաքականին հետ:
Հայաստանի մէջ ռազմական դրութեան պատճառով Լեհաստանի Տիխի քաղաքին մէջ կայացած խաղի ընթացքին սպանացի գլխաւոր մարզիչ Խոակին Կապառոսի ղեկավարած Հայկական խումբը բաւարարուեցաւ ոչ ոքի արդիւնքով` 2:2:
Մրցումի առառջին կոլը նշանակուեցաւ 6-րդ վայրկեանին յարձակող Տիգրան Բարսեղեանի փոխանցումէն յետոյ յետոյ Խորէն Բայրամեանը գրաւեց Վրաստանի դարպասը:
Երկրորդ կիսախաղին Վրաստանի հաւաքականը երկու կոլ նշանակելով անցաւ առաջ:
88-րդ վայրկեանին Հայաստանի հաւաքականը նշանակեց երկրորդ կոլը՝ խուսափելով պարտութենէն: Ազգային հաւաքականի կազմէն ներս իր 30-րդ կոլը նշանակեց իտալական «Ռոմայի» կիսապաշտպան Հենրիխ Մխիթարեանը, որ ճշգրիտ իրականացուց 11 մեթրանոցը:
Հայաստանի հաւաքականի ֆուտպոլիստները խաղցան սեւ թեւկապերով` ի յիշատակ Հայաստանի եւ Արցախի մէջ զոհուածներուն:
Խմբակի միւս մրցումներուն, Էստոնիա եւ Հիւսիսային Մակեդոնիա խաղցան ոչ ոքի՝ 3:3:
Խմբակի առաջատարներն են Հիւսիսային Մակեդոնիայի եւ Վրաստանի խումբերը՝ 5-ական միաւորով: Հայաստանը 4 միաւորով երրորդն է, Էստոնիան կ՛եզրափակէ մրցաշարային աղիւսակը՝ 1 միաւոր:
Յաջորդ մրցումին Հայաստանի հաւաքականը Հոկտեմբերի 14-ին կը հիւրընկալուի Էստոնիայի խումբէն, Վրաստանի հաւաքականը՝ Հիւսիսային Մակեդոնիայէն: