Արցախի տեղեկատուական շտապը կը յայտնէ, որ Ատրպէյճանը հարուածած է Շուշիի խորհրդանիշ՝ Ղազանչեցոց եկեղեցին, որ 90-ականներու պատերազմէն յետոյ վերակառուցուած էր։
Արցախի նախագահ՝ Արայիկ Յարութիւնեան գրառում կատարած է դիմատետրին մէջ․ – «Շուշիի Սուրբ Ղազանչեցոց եկեղեցին եւս թիրախ դարձաւ ահաբեկիչներու կողմէն: Վանտալիզմի այս դրսեւորումը դէմ է մարդկութեան եւ Աստծոյ օրէնքներին: Կը վերականգնենք»։
Այսօր՝ Հոկտեմբեր 8-ին, Արցախի պաշտպանութեան նախարարութիւնը հրապարակած է Ատրպէյճանի դէմ ծաւալուած մարտերու ընթացքին զոհուած եւս 30 զինծառայողներու անուն մականունները։
Արդէն 12 օր շարունակուող ռազմական գործողութիւններու հետեւանքով հայկական կողմի զոհուած զինծառայողներու թիւը այսպիսով հասաւ 350-ի։
Ատրպէյճանը չի հրապարակեր ռազմական կորուստները, կը յայտնէ միայն քաղաքացիական բնակչութեան զոհերու եւ տուժուածներու մասին:
«Ատրպէյճանն անընդհատ ձեռնարկում է յարձակման փորձեր, որոնք մատնուում են անյաջողութեան», – կը յայտնէ Պաշտպանութեան նախարարութիւնը։ – «Ժամը 14-ի սահմաններում Ատրպէյճանը հարաւային սահմանի երկու ուղղութիւններով գրոհ է ձեռնարկել, որը Պաշտպանութեան բանակի ստորաբաժանումները կասեցրել են, ատրպէյճանական զինուժին պատճառուել է կենդանի ուժի զգալի կորուստներ խոցուել է 9 միաւոր զրահամեքենայ»։
Հարաւային ուղղութեամբ Ատրպէյճանը յարձակումը սկսած է առտուընէ, սակայն, ինչպէս հայկական կողմը կը հաղորդէ, զոհեր տալով եւ զրահամեքենաներու կորուստով ճեպրայիլի մատոյցներէն փախուստի դիմած է ։ Ըստ Արծրուն Յովհաննիսեանին, ոչնչացուած է Ատրպէյճանի չորս միաւոր Տ-30 -ի անձնակազմով եւ զինամթերքով, Պաշտպանութեան բանակը թոյլ չէ տուած անոնց կրակային դիրքեր գրաւել։
Արցախի պաշտպանութեան բանակը աւելի վաղ յայտնած էր, որ մարտերը այսօր վերսկսած են թէ՛ հարաւային եւ թէ՛ հիւսիսային ուղղութիւններով, գիշերուայ ընթացքին արցախա-ատրպէյճանական հակամարտութեան գօտիին վրայ իրավիճակը եղած է կայուն-լարուած, հակամարտութեան առանձին հատուածներու մէջ շարունակուած են փոխհրաձգութիւններ եւ հրթիռահրետանային հարուածներ:
Պաշտօնական Պաքուն այսօր յայտնած է, որ հայկական կողմէն «Կրատ» եւ «Սմերչ» կը կիրառուի։ Ըստ Ատրպէյճանի նախագահի օգնական Հիքմեթ Հաճիեւի, «Կրատ» կայանքներէն մէկը ատրպէյճանցիները կարողացած են հրթիռով խոցել։
Գիշերուայ ընթացքին հրթիռակոծուած է նաեւ Արցախի մայրաքաղաք՝ Ստեփանակերտը։
