Հայաստանի մէջ անցեալ մէկ օրուայ ընթացքին, «Քորոնա» ժահրի դէպքերուն թիւը աճած է 62-ով՝ հասնելով 44 845-ի, գրանցուած է հիւանդութենէն մահուան եւս 3 դէպք, կը հաղորդէ Առողջապահութեան նախարարութեան Հիւանդութիւններու վերահսկման եւ կանխարգիլման ազգային կեդրոնը:
Սեպտեմբեր 7-ի կեդրոնի կայքի հրապարակած տուեալներուն համաձայն՝ հիւանդութենէն բուժուածներու թիւը աւելցած է 32-ով եւ հասած 40 121-ի:
Ըստ նոյն աղբիւրին՝ կատարուած է 1038 հետազօտութիւն, ընդհանուր թիւը հասաւ 219 177-ի:
«Քորոնա» ժահրի հիւանդութենէն մահացածներու ընդհանուր թիւը հասաւ 900-ի, եւս 275 վարակակիր, ըստ Առողջապահութեան նախարարութեան, մահացած է այլ պատճառներով: Մահուան դէպքերու վերաբերեալ Առողջապահութեան նախարարութիւնը յայտնած է, որ բոլոր հիւանդները ունեցած են ուղեկցող քրոնիկական հիւանդութիւններ։
Այսպիսով, COVID-19-էն տուեալ պահուն Հայաստանի մէջ կը բուժուի 3549 մարդ: