Home ՀԱՅԱՍՏԱՆԱՐՑԱԽ «Մատրիտեան Սկզբունքները» Այլեւս Չեն Քննարկուիր. Արցախի Արտաքին Գործոց Նախարար

«Մատրիտեան Սկզբունքները» Այլեւս Չեն Քննարկուիր. Արցախի Արտաքին Գործոց Նախարար

by MassisPost

«Մատրիտեան սկզբունքները» այլեւս չեն քննարկուիր, «Ազատութիւն»ի հետ զրոյցի ընթացքին յայտարարած է Արցախի արտաքին գործոց նախարար՝ Մասիս Մայիլեան:

«Մատրիտեան առաջարկները», ինչպէս գիտէք, առաջարկուել էին Ատրպէյճանի եւ Հայաստանի արտաքին գործոց նախարարներին 2007 թուականի նոյեմբերին, բայց այդ մատրիտեան տրամաբանութիւնն ինքը, արմատները դրա աւելի խորն են, դա հասնում է մինչեւ 91 թուականի դեկտեմբերի 16-ը, եւ Եւրոպայի 12 պետութիւնների արտաքին գործոց նախարարներ մի փաստաթուղթ ընդունեցին, այն չափանիշներն ընդունեցին, որի համաձայն իրենք կարող են ճանաչել որպէս անկախ այն պետութիւնները նախկին Խորհրդային Միութիւնում եւ Արեւելեան Եւրոպայում, որոնք համապատասխանում են այսինքն` այդ չափանիշներին:

Եւ այն ժամանակուանից սկսած այդ տրամաբանութիւնն իշխել է, եւ մինչեւ վերջերս այդ տրամաբանութեան մէջ էին գնում բանակցութիւնները, այսինքն` իրենց որոշման համաձայն` իրենք ճանաչել են որպէս անկախ հանրապետութիւններ միութենական հանրապետութեան կարգավիճակ ունեցող հանրապետութիւններին, բայց այն ժամանակ օրինակ` նոյն Լեռնային Ղարաբաղի Հանրապետութիւնը արդէն հռչակուել էր, այսինքն` սեպտեմբեր 2-ին հռչակուել էր, դեկտեմբերին իրենք որոշում են կայացնում, բայց անտեսում են այդ իրողութիւնները, որ կայ օրինակ` նախկին Խորհրդային Միութեան տարածքում: Եւ այդ տրամաբանութեան մէջ շարունակուել է այս ամէն գործընթացը, եւ դրա արտացոլումը եղել են «Մատրիտեան առաջարկները», որը երկար կեանք է ունեցել` 10 տարուց աւելի քննարկման թեմա է եղել իր տարբեր տարբերակներով: Այսինքն` մենք կարող ենք արձանագրել, որ այս պահին, եւ դրա մասին յայտարարուել է մեր հայաստանեան գործընկերների կողմից, որ սեղանի վրայ որեւէ փաստաթուղթ, որեւէ առաջարկ այսօր չկայ: Դա նշանակում է, որ սեղանի վրայ չկայ անգամ նաեւ այդ` «Մատրիտեան առաջարկները»:

Հարակից Նյութեր

Leave a Comment